ਨਿਊਜ਼ੀਲੈਂਡ ਪਾਰਲੀਮੈਂਟ ਅੱਗੇ ਹੋ ਰਹੇ ਵੈਕਸੀਨ ਮੈਨਡੇਟ ਖਿਲਾਫ ਮੁਜ਼ਾਹਰੇ ਨੂੰ ਮਿਲੀ ਪਹਿਲੀ ਕਾਮਯਾਬੀ

ਨਿਊਜ਼ੀਲੈਂਡ ਦੀ ਪਾਰਲੀਮੈਂਟ ਅੱਗੇ ਹੋ ਰਹੇ ਵੈਕਸੀਨ ਮੈਨਡੇਟ ਖਿਲਾਫ ਮੁਜ਼ਾਹਰੇ ਨੂੰ ਉਸ ਵੇਲੇ ਪਹਿਲੀ ਸਫਲਤਾ ਮਿਲੀ ਜਦੋਂ ਅੱਜ ਵਲਿੰਗ਼ਟਨ ਹਾਈ ਕੋਰਟ ਵਲੋਂ ਪੁਲਿਸ ਅਤੇ ਡਿਫੈਂਸ ਫੋਰਸ ਵਾਸਤੇ ਵੈਕਸੀਨ ਮੈਨਡੇਟ ਖਤਮ ਕਰ ਦਿਤੀ ਗਈ l ਹਾਈ ਕੋਰਟ ਨੇ ਵੈਕਸੀਨ ਮੈਨਡੇਟ ਨੂੰ ਬਿੱਲ ਆਫ ਰਾਈਟਸ ਦੀ ਉਲੰਘਣਾ ਦੱਸਿਆ l ਇਥੇ ਇਹ ਗੱਲ ਵਰਨਣਯੋਗ ਹੈ ਕਿ ਸਰਕਾਰ ਨੂੰ ਵਾਰ ਵਾਰ ਲੋਕਾਂ ਵਲੋਂ ਬਿੱਲ ਆਫ ਰਾਈਟਸ ਦੀ ਉਲੰਘਣਾ ਨਾ ਕਰਨ ਵਾਸਤੇ ਕਿਹਾ ਗਿਆ ਸੀ ਪਰ ਉਸ ਨੇ ਇੱਕ ਨਾ ਸੁਣੀ l ਜਦੋਂ ਪੁੱਕੀਕੋਹੀ ਤੋਂ ਥੋੜ੍ਹੀ ਦੂਰ ਇੱਕ ਬੱਸ ਖੜ੍ਹੀ ਕਰਕੇ ਲੋਕਾਂ ਦੇ ਵੈਕਸੀਨ ਲਗਾਈ ਜਾ ਰਹੀ ਸੀ ਤਾਂ ਇੱਕ ਸਿਆਣੀ ਉਮਰ ਦੇ ਵਿਅਕਤੀ ਨੇ ਜਬਰਦਸਤ ਵਿਰੋਧ ਕੀਤਾ ਸੀ ਅਤੇ ਟੀਕਾ ਲਗਾਉਣ ਵਾਲਿਆਂ ਨੂੰ ਪੁੱਛਿਆ ਸੀ ਕਿ ਕੀ ਤੁਹਾਨੂੰ ਪਤਾ ਹੈ ਕਿ ਤੁਸੀਂ ਬਿੱਲ ਆਫ ਰਾਈਟਸ ਦੀ ਉਲੰਘਣਾ ਕਰ ਰਹੇ ਹੋ? ਇਸ ਦਾ ਜਵਾਬ ਵੈਕਸੀਨ ਲਗਾਉਣ ਵਾਲੇ ਨਹੀਂ ਦੇ ਸਕੇ ਸੀ ਅਤੇ ਉਨ੍ਹਾਂ ਡਰਦਿਆਂ ਬੱਸ ਨੂੰ ਲੌਕ ਲਗਾ ਲਏ ਸਨ l ਮੈਨੂੰ ਇਸ ਗੱਲ ਦਾ ਮਾਣ ਹੈ ਕਿ ਮੇਰੇ ਇਲਾਕੇ ਦੇ ਬੰਦੇ ਨੇ ਲੋਕਾਂ ਪ੍ਰਤੀ ਹਾਅ ਦਾ ਨਾਹਰਾ ਮਾਰਿਆ ਸੀ ਜਿਸ ਦਾ ਦੂਜੀ ਧਿਰ ਜਵਾਬ ਵੀ ਨਹੀਂ ਦੇ ਸਕੀ ਸੀ l